Ang Pagwawakas ng Kabanata

Sa mga mambabasa ang paumanhin ko ay tanggapin

Sa di pagsulat ng mga tula tungkol sa king damdamin

Pagkat ako'y mayroon pagsubok matinding suliranin

Na di ko na kayang maayos kahit binigyan ko ito ng pansin

Sa limang taon ako' y mayrong nakasama

Tunay kong ngang mahal hinarap ko sa dambana

Lahat ng kanyang naisin akin namang sinunod

Ngunit tila ba sa kapangyarihan lubha syang nalunod

Pero kahit ganun minamahal ko syang tunay

Kalabanin ko man ang sarili pamilya ko man ay nadamay

Kahit nasasaktan hindi ko to iniinda sapagkat mahal ko sya

Ngunit tila ito na ang wakas ng aming mahabang kabanata

Higanteng abnoy

Manghang mangha at hindi ako makapaniwala

Ang dambuhalang ito ang ginagawan ko ng isang tula

Higanteng abnoy ang nananahan sa akin tahanan

Kelan matatapos itong aking aking kapighatian

Isang halimaw ang nagtatago sa isang mukhang bakulaw

Maamo sa paningin niloloko ang bawat na taong nakatanaw

Akala nila isa syang anghel bumaba na galing sa kalangitan

Di nila alam demonyong umakyat dito sa ating sang kalupaan

Ang tunay na kulay ng balat nyay sanay makita

Nagkukubli sa isang mapagpanggap na maamong tupa

Sariling ina kanyang niloloko ninanakawan

Pag di ako nakapagpigil sya ay aking papatulan

Mahal na bathala sana akoy iyong gabayan

Di na magdilim ang paningin madala sa karimlan

Hayaan ko munang tadhana ang gumanti sa para sa akin

Kung makapagpigil aking mahal sana'y iyong patawarin

Karamdaman sa Kainitan

O kay tagal din ang aking pananabik
Sa pag sulat ng tula ako'y sobrang nasabik
Di yata lubhang nakalilimot na
Sa aking isang hilig sa pag sulat ng isang tula

Ngunit ano ba itong aking nararanasan
Ang pagsulat ng tula'y sinabayan ng karamdaman
Tila isang sumpa ang sa aki'y sumapit
Kasiglahan ng katawan sana sa akin manumbalik

Sa pagdaan ng panahon ako ay lubhang nababahala
Tila pag init ng panahon ay di na nakakatuwa.
Iba't ibang karamdaman sa amin ay nadarama
Delubyo bang masasabi itong mabangis na dilema

Kay daming kaganapan ang ngayon ay nangyayari
Ang tao'y malapit ng mawala sa kanyang bait sa sarili
Dyos kong mapagpala kami sana'y iyong kawaan
Iiwas po kami sa sakit loob na kapighatian.

Ikaapat na Martes ng bwan ng Marso

Ako ay naririto muling sumsulat ng tula
Di na nagiba ang araw kong mapakla
Sing lanta ng gulay na nakatanim sa likod bahay
Tila ang buhay kong itoy nawawalang saysay

Maykapal kahit paano di ako hinahayaan
Na masadlak sa kalungkutan konting biyaya'y inambunan
Kasiyahan kelan ka muli sa aki'y magbabalik
Ano ang gagawin pagkat ako sayo ay sabik

Mayron akong nalaman mula sa telebisyon
May bagyong paparating magiiba ang panahon
Init dagling mawawala at sasapit ang ulan
Ito ba'y magandang balita na pawang katotohanan

Sasakyan kong nakatengga magaapat na linggo na
Ang tanong ko'y paano at kelan sya gagana
Ngayon pang ako'y may problema sa pera ay salat na
Di ko alam ang gagawin at wala ng magagawa pa

Panandaliang Saya

Labis akong natuwa sa aking napuntahan

Ako ay nag ensayo sa aming simpleng simbahan

Isang bagong kaibigan ang aking nakilala

Sa paglilikod sa Dyos ako ay kanyang niyaya

Mga dating awitin na aking naalala

Ay sya rin palang alam ng mga bago kong kasama

Di nagtagal nakabuo kami ng linya ng mga kanta

Na aawitin sa sabado,buong koro ay handa na

Sobra man akong pagod sa aming ensayo

Maganda naman ang resulta talo ko pang nanalo

Sa lotto sa sweeptakes o kahit anuman ang gusto mo

Di mapapantayan ang labis na nadarama ko

May natutunang kanta mga aral na nalaman

Ito ay nagmula sa bago kong kaibigan

Sa akin ay natuwa di na tinuring na iba

Hanggang mag gabi na dilim ay sumapit na

O eto na naman sa aking pag uwi

Lungkot ay bumalik saya ay napawi

Pagkat haharapin ko na naman itong dating kinalalagyan

Puno ng hirap at problema nitong aking tahanan

Bakit ganito ang mundo hindi na lang puro ligaya

Hatid ng araw sa akin panandaliang saya

Ngayon nais na lamang matulog upang di na madama pa

Ang lungkot at sakit na sadyang aking nadarama

Ordinaryong Araw

Kay hirap talaga ng pag gising sa umaga

Lalo na kung puno ng problema wala kang magawa

Haharap sa computer maghahanap ng trabaho

O kelan ba matatapos ang hinagpis kong ito

Mabuti na lang at merong email na nakita

Buhat sa isang tagapagpayo sa larangan ng musika

Ano ba't napansin nya at binigyan nya ng pag asa

Ang talento ko daw kaya pa raw itong mahasa

Sa patuloy kong pagtingin sa computer ko'y napansin

Asawa ng kaibigan ko tila masaya at malambing

Saka ko nasabing ang swerte naman nya

At ang asawa nya'y mabait at masunurin pa

Pawa kong naiisip kung ano ba ang mga nangyari

Tila ako'y pinarusahan asawa ko'y lalong hindi ko mawari

Ano ang gagawin ano kaya ang solusyon

Sana'y matapos na sa problema ako ay iahon

Mamayang hapon ako ay merong katagpuan

Mageensayo kami ng kanta doon sa maliit na simbahan

Eto na naman ako at muling bumabalik

Pagpupuri sa panginoon ako ba'y sadyang nasasabik

Mabuting Maykapal ako po inyong pahintulutan

Na makipagusap sa inyo manikluhod sa inyong harapan

Tanong ko kelan saan at pano ko makakamtan

Manumbalik ang saya sana'y ako'y iyong tulungan

Tangis sa kanyang pamamaalam

Akala ko isang ordinaryong araw lang
Ang oras ay tatakbo minu minutong titignan
Ngunit isang palang bagay ang aking natapagtanuan
Pagpapaalam ni ama dito sa aking tahanan

Sinimulan kong magisip kung tama ang gagawin

Tama ba itong nangyayari na sya ay paalisin

Subalit walang nagawa kundi ang damdamin sundin
Ayokong madamay sya sa mga alitan namin

Sa paglipas ng oras alas dos alas tres
Pinagiisipan pa rin ito ng makapitong beses
Wala akong magagawa kailangan muna nyang lumisan
Masakit man sa akin sya ay malaking kawalan

Ilang taon ang lumipas hanggang sa akin pagtanda
Di sya tumigil sa pagsubaybay sa akin nagaruga
Ako ngayo'y tumatangis nalulungkot lumuluha
Pag liligtas nya sa buhay ko ito ang kanyang napala

Sanay makabawi ako sa bawat pagmamahal nya
Di matutumbasan maging ang magaling kong asawa
Hayaan ng tapusin ang tula pagkat di na natutuwa
Ang hiling ko lamang gabayan sya ng may lumikha