Ikaapat na Martes ng bwan ng Marso

Ako ay naririto muling sumsulat ng tula
Di na nagiba ang araw kong mapakla
Sing lanta ng gulay na nakatanim sa likod bahay
Tila ang buhay kong itoy nawawalang saysay

Maykapal kahit paano di ako hinahayaan
Na masadlak sa kalungkutan konting biyaya'y inambunan
Kasiyahan kelan ka muli sa aki'y magbabalik
Ano ang gagawin pagkat ako sayo ay sabik

Mayron akong nalaman mula sa telebisyon
May bagyong paparating magiiba ang panahon
Init dagling mawawala at sasapit ang ulan
Ito ba'y magandang balita na pawang katotohanan

Sasakyan kong nakatengga magaapat na linggo na
Ang tanong ko'y paano at kelan sya gagana
Ngayon pang ako'y may problema sa pera ay salat na
Di ko alam ang gagawin at wala ng magagawa pa

Panandaliang Saya

Labis akong natuwa sa aking napuntahan

Ako ay nag ensayo sa aming simpleng simbahan

Isang bagong kaibigan ang aking nakilala

Sa paglilikod sa Dyos ako ay kanyang niyaya

Mga dating awitin na aking naalala

Ay sya rin palang alam ng mga bago kong kasama

Di nagtagal nakabuo kami ng linya ng mga kanta

Na aawitin sa sabado,buong koro ay handa na

Sobra man akong pagod sa aming ensayo

Maganda naman ang resulta talo ko pang nanalo

Sa lotto sa sweeptakes o kahit anuman ang gusto mo

Di mapapantayan ang labis na nadarama ko

May natutunang kanta mga aral na nalaman

Ito ay nagmula sa bago kong kaibigan

Sa akin ay natuwa di na tinuring na iba

Hanggang mag gabi na dilim ay sumapit na

O eto na naman sa aking pag uwi

Lungkot ay bumalik saya ay napawi

Pagkat haharapin ko na naman itong dating kinalalagyan

Puno ng hirap at problema nitong aking tahanan

Bakit ganito ang mundo hindi na lang puro ligaya

Hatid ng araw sa akin panandaliang saya

Ngayon nais na lamang matulog upang di na madama pa

Ang lungkot at sakit na sadyang aking nadarama

Ordinaryong Araw

Kay hirap talaga ng pag gising sa umaga

Lalo na kung puno ng problema wala kang magawa

Haharap sa computer maghahanap ng trabaho

O kelan ba matatapos ang hinagpis kong ito

Mabuti na lang at merong email na nakita

Buhat sa isang tagapagpayo sa larangan ng musika

Ano ba't napansin nya at binigyan nya ng pag asa

Ang talento ko daw kaya pa raw itong mahasa

Sa patuloy kong pagtingin sa computer ko'y napansin

Asawa ng kaibigan ko tila masaya at malambing

Saka ko nasabing ang swerte naman nya

At ang asawa nya'y mabait at masunurin pa

Pawa kong naiisip kung ano ba ang mga nangyari

Tila ako'y pinarusahan asawa ko'y lalong hindi ko mawari

Ano ang gagawin ano kaya ang solusyon

Sana'y matapos na sa problema ako ay iahon

Mamayang hapon ako ay merong katagpuan

Mageensayo kami ng kanta doon sa maliit na simbahan

Eto na naman ako at muling bumabalik

Pagpupuri sa panginoon ako ba'y sadyang nasasabik

Mabuting Maykapal ako po inyong pahintulutan

Na makipagusap sa inyo manikluhod sa inyong harapan

Tanong ko kelan saan at pano ko makakamtan

Manumbalik ang saya sana'y ako'y iyong tulungan

Tangis sa kanyang pamamaalam

Akala ko isang ordinaryong araw lang
Ang oras ay tatakbo minu minutong titignan
Ngunit isang palang bagay ang aking natapagtanuan
Pagpapaalam ni ama dito sa aking tahanan

Sinimulan kong magisip kung tama ang gagawin

Tama ba itong nangyayari na sya ay paalisin

Subalit walang nagawa kundi ang damdamin sundin
Ayokong madamay sya sa mga alitan namin

Sa paglipas ng oras alas dos alas tres
Pinagiisipan pa rin ito ng makapitong beses
Wala akong magagawa kailangan muna nyang lumisan
Masakit man sa akin sya ay malaking kawalan

Ilang taon ang lumipas hanggang sa akin pagtanda
Di sya tumigil sa pagsubaybay sa akin nagaruga
Ako ngayo'y tumatangis nalulungkot lumuluha
Pag liligtas nya sa buhay ko ito ang kanyang napala

Sanay makabawi ako sa bawat pagmamahal nya
Di matutumbasan maging ang magaling kong asawa
Hayaan ng tapusin ang tula pagkat di na natutuwa
Ang hiling ko lamang gabayan sya ng may lumikha

Para sa aking bunsong kapatid

Itong aming bunso lubha akong nababahala

Paglipas ng buhay tila di niya alintana

Tanong ko sa king sarili pano sya matutulungan

Kung ang sarili nyang magulang ayaw nyang pakinggan

Bata pa sya noon di na kami nagkasundo palagi

Ang sumunod kong kapatid ang lagi nyang kakampi

Sa di sinasadyang oras o binigay na ng panahon

Na kami magkatulungan sa matinding pagkakataon

Aming pinagsama sikap galing at talino

Sa musika'y pinagbuklod sa iisang tono

Hanggang maglaon tuloy tuloy na panalo

Di kami nabuwag kailanma'y di natalo

Grupo ng manganganta kami ay nagsanib

Sa talentong nakamtan lahat ay napabilib

Ilang tao ang naturuan sila ay aming nasamahan

Sa mga paligsahan tunay kaming palaban

Ngunit ang aking kapatid may matinding karamdaman

Tila ba ang babae lagi nyang pinaglalaruan

Marami ang tumangis buhay ay nasira

Ang tanong ko kaibigan kelan sya madadala

Iba't ibang pagsubok ang lagi nyang nararanasan

Ngunit di ko alam kung meron sya natutunan

O aking kapatid kelan ikaw ay magbabago?

Harapin ang bukas umiwas sa gulo

Para sa kanya o kay dali ng buhay

Wag lang seserymonan ang mabait kong nanay

Pagkat wala syang magawa pag nanay ay nagingay

Ng dahil sa kanya nataranta ang aming kapitbahay

Kung alam mo lang kapatid na espesyal ka sa lahat

Sa ating tatlo ikaw ang syang may pagmamahal na sapat

Itong iyong ama labis labis ang pag aalala

Pensyong di pa nakukuha ay binibilang na

Bago ko tapusin ang mahabang kong tula

Sa payo ng kuya mo ay wag kang madadala

Alam kong kaya mo ang bawat problema

Di mo naman hahayaan na ikaw mapapariwara

Pagkain o musika

Ilang panahon na rin ako ay nababagabag

Sa isip ay may plano ngunit puso ay labag

Di maintindihan kung ito ay dapat ba

Ipagpatuloy ang hilig pag ibig sa musika

Ng matapos ako ng secondarya ito ang pangarap ko

Hanggang matapos ang kurso ko sa kolehiyo

Nalimot ko na nga ito hanggang magkatrabaho

Pangarap kong maging musikero unti unting lumalabo

Hanggang sa nagdaan panahon merong nagtiwala

Mga taong nagpaturo mga estudyante sa eskwela

Tinuring akong guro tunay na tagapagpayo

Sa kanilang paligsahan sa pag awit sila laging panalo

Tinanong ko ang aking sarili ito ba'y talento ko

O hilig lang ng katawan o libangan turuan ang tao

Lahat ay nanghihikayat di pa raw ito huli

Pag aaral gawin ko na wag lang daw magmadali

Pero ako'y naguguluhan mga bagaybagay aking napagiisipan

Pano kung maging abala baka akoy mahirapan di matapos ng lubusan

Aking trabaho aking pinangangalagaan

Pano kung mawala ayoko na ng kahirapan

Hahayaan ko na lang ba araw ay lumipas

Mga pangarap na tunay dahan dahang kumukupas

Na parang damit di na maisuot ng sinuman

Dapat bang ituloy ang pagaaral nasan ang kasagutan

Pagkain ba o musika ako ay nababahala

Na baka sa bandang huli ako ay sadyang lumuha

Sa twing kakanta, magpapyano o maggigitara

Bigat ng kalooban tila ba nawalang parang bula

Sa Bagong Normal na Araw

Dumaan ang umaga, kailangan kong magumpisa

Ng panibagong araw ito ba ang hinintay kong pag asa

Sa bawat saglit bawat minuto ng araw na ito

Iniisip ko pano mabubuhay sa susunod na linggo

Aking iniisip may dapat bang pagsisihan

Nagawa ko sa buhay bakas ng aking nakaraan

Lagi naman ako'y sa dyos ay nangungusap

Ngunit ang kapalara'y taliwas sa king pangarap

Sa pag sisikap ko at paninindigan sa buhay

Ako'y parang tuyong dahon naghihintay na mamatay

Ang buhay lubhang nakakapagod para kang naglalakad

Sa hirap at tangis lagi akong nakakaladkad

Ang aking maybahay na aking kaagapay

Wala sa aking tabi hinayaan akong lumulupasay

Di na naawa ako'y sadyang nahihirapan

Sa aking kalagayan ako'y kanyang hinayaan

Sa Araw na nag daan sino ang magsasabi

Na ito'y ordinaryong araw lang sa mata ng marami

Almusal hanggang hapunan lahat ay nakanin na

Kelan naman kaya darating ang tunay kong pag asa

Dapat nga kaya na ako na ay kumilos

O maghihintay at magtitiis hanggang ito ay matapos

Paghihirap ko sa buhay hanggang kelan pasan pasan

O Abang dyos ko ako sanay iyong tulungan

Sabi ng iba ito raw ay malaking biyaya

Sa itaas ito ay galing nagmula sa kanya

Ngunit naisip bakit naman nya hahayaan

Na ako dito sa mundo lugmok sa kahirapan

Sa pagpikit ng mata sa pagtulog ko sa gabi

Di na alintana ang kakainin ko sa tanghali

Ang hiling ko lamang sanay pagbigyan

Magandang trabaho ako sanay ako ay mabiyayaan

Nalilito bat ang gulo

Nalilito o tila ang gulo gulo

Ng isip ko ngayong araw na ito

Muli syang nakita di ko maintindihan

Puso't isp ko ay tila naguguluhan

Sa isang mensahe sya nga ba ang aking hinahanap

O baka naman sya lamang ay imahinasyon gawa ng pangarap

Magkahalong takot tuwa at pangamba

Di ko alam kung bakit ganito aking nadarama

Kung kailan naman isip ko ay sobrang gulo

Buhat sa pag aaway masidhing pagtatalo

Hindi pa nga natatapos ang madtinding hidwaan

Bigla syang lumabas at sa akin nagparamdam

Tama kaya ang aking ginagawa

Na sya ay pansinin upang lungkot ay mawala

Ngunit ang buhay namin ay parehas kumplekado

Kaya siguro ako'y ay sadyang nalilito

Mithiin sa Buhay

Mula pagkabata wala ng ibang sinikap

Kundi ang simpleng buhay maahon sa hirap

Di ko hinangad karangyaan at kayamanan

Basta masaya't maligaya ligtas sa karamdaman

Ngunit minsan ganito ang buhay na masaklap

Di makaalis sa lungkot, di ito ang pangarap

Minsan di ko malaman kung bakit o sino ang may gusto

Ng buhay na malupit pa sa asupre at bato

Di lamang kaya'y tinatawag nya muli ako

Na lumapit sa kanya upang aking matanto

Aking pagkukulang paglimot sa kanyang pangalan

Mga magagandang biyaya sya pala ang dahilan

Pagsubok sa buhay parte nga ba ng kwento

Na dapat daan ng tao na nabubuhay sa mundo

Sa bawat aral at leksyon na aking natutunan

Dapat ko lang bang matutunan na sya lamang ang kailangan

Araw araw sa buhay kong natatanawan

Ang kislap ng umaga pag asay kaya'y makamtan

Sa bawat paghinga ang aking iniisip

Buhay ba'y ipagpatuloy o dapat na bang manahimik

Salamat sa blog kong ito

Damdamin kong ito ay nalalalaman mo

Sa mga mambabasa sana'y naibigan nyo

O kung hindi paumanhin ang syang paabot ko

Di mo man maintindihan o lubos na maunawaan

Salamat pa rin kahit ikaw ay naguguluhan

Sa pag basa mo narinig mo at naramdaman

Aking saloobin maraming salamat kaibigan

Panimula

Dahil sa isang kilalang tao
Nasimulan ang blog kong ito
Ngayon makikita mo tunay at totoo
Mga nararamdaman ko ibabahagi sayo

Minsan ko syang nakita sa telebisyon na programa
Mga salita nya tunay naman akong namangha
Di nga pala tula unti unting nalimutan na
Ng mga kababayan nating sa text ay abala

Bago ko simulan nais ko lamang pasalamatan
Sa pangatlong linya ng tula ko si makatawanan
Di man nya alam lubos ang ko syang pinasasalmatan
Sa sulat kong ito di ko sya malilimutan